![Perurohet ura e re ne Zall Bastar, shkurton distancen me Tiranen ne 15 minuta Perurohet ura e re ne Zall Bastar, shkurton distancen me Tiranen ne 15 minuta](images/news/ura zall bastar tirana distanca.jpg)
Protestat me te medha ndezin Kinen, studentet refuzojne masat anti-Covid
Protestat kundër politikës “zero-Covid” të Presidentit Xi Jinping tronditën Kinën nga Pekini në Shangai ditën e djeshme.
Për herë të parë në më shumë se 30 vjet, studentë demonstrues vërshuan në mjediset e dy universiteteve në Pekin teksa turmat në Shangai brohorisnin “poshtë Partia Komuniste Kineze” dhe kërkuan hapur largimin e presidentit Xi.
Qindra protestues dhe policë u përleshën në Shangai, me shumë që tundnin fletët e bardha në një protestë simbolike kundër censurës.
Disa protestues u treguan të guximshëm për të shpjeguar veprimet e tyre: “Nëse nuk guxojmë të flasim sepse kemi frikë se na burgosin, mendoj se njerëzit tanë do të zhgënjehen nga ne,” tha një studente në një video që është shpërndarë gjerësisht në mediat sociale.
Studentët kanë qenë ndër ata që janë prekur më keq nga tre vjet kufizime e bllokimit që synojnë çrrënjosjen e Covid-19 në Kinë, ku shumë prej tyre kanë kaluar pjesën më të madhe të viteve të fundit në izolim.
Kombi kinez është lodhur dhe stresuar nga masat e parandalimit dhe kontrollit të Covid në vend, të cilat përfshijnë teste të shpeshta PCR dhe bllokime të papritura të lëvizjes së qytetarëve,
ndërsa ky zhgënjim kaloi në zemërim pas vdekjes së dhjetë personave të bllokuar në një zjarr në qytetin Urumqi, në rajonin Xinjang ku banorët janë përballur me një bllokim prej më shumë se tre muajsh.
Vdekjet e tyre u fajësuan gjerësisht te masat e kontrollit që bllokuan rrugët e arratisjes dhe penguan përpjekjet e shpëtimit. Publiku i gjerë u nervozua më tej pasi një drejtues lokal i zjarrfikësve fajësoi viktimat, duke thënë se “mundësia e disa banorëve për të shpëtuar ishte shumë e ulët”.
Protestuesit në një zonë tjetër në qytet brohoritën: “Jo gënjeshtra por dinjitet, jo revolucion kulturor por reforma, pa lider por me fletë votimi, jo skllevër por qytetarë!”
Qindra policë u përballën me grupet e protestuesve duke shpërndarë me dhunë turmat me gaz lotsjellës dhe duke shoqëruar disa njerëz.
Në qytetin jugperëndimor të Chengdu, protestuesit u mblodhën për të kërkuar heqjen përfundimtare të testeve PCR. “Jo mbyllje, por liri,” brohoritën ata. “Ne duam të shkojmë në punë. Ne duam të shkojmë në shkollë”.
Protesta të ngjashme janë raportuar gjithashtu në qytetin veriperëndimor të Xian, në qytetin jugor të Haikou, në qytetin qendror të Wuhan dhe në qytetin lindor të Hangzhou,
ndërsa raportohet se këto tubime janë më të mëdhatë që nga 4 qershori 1989, kur qindra studentë dhe banorë u vranë kur forcat kineze hapën zjarr ndaj protestuesve të paarmatosur pro-demokracisë në sheshin Tiananmen, teksa numri i saktë i viktimave nuk është konfirmuar kurrë.
Ditët e fundit, postimet që vënë në pikëpyetje politikën zero të vendit për Covid-in janë përhapur në mediat sociale, si dhe pjesë video të protestave, megjithëse ato janë hequr shpejt,
duke bërë që demonstruesit në rrugë të denoncojnë censurën, teksa protestat u zhvilluan në 53 universitete në të gjithë vendin, sipas videove me burim nga turma./Burimi: BalkanWeb
Më të lexuarat
![Perurohet ura e re ne Zall Bastar, shkurton distancen me Tiranen ne 15 minuta Perurohet ura e re ne Zall Bastar, shkurton distancen me Tiranen ne 15 minuta](images/news/ura zall bastar tirana distanca.jpg)
![Kursi i kembimit, euro prek nje minimum te ri historik Kursi i kembimit, euro prek nje minimum te ri historik](images/news/euro kursi kembimit minimim i ri historik.jpg)
![Cmimet i rikthehen rritjes ne maj, per here te pare gjate ketij viti Cmimet i rikthehen rritjes ne maj, per here te pare gjate ketij viti](images/news/inflacioni maj 2024 rritje.jpg)
![788 mln euro nga turizmi ne 3 mujor, por nje i huaj shpenzoi me pak se vjet 788 mln euro nga turizmi ne 3 mujor, por nje i huaj shpenzoi me pak se vjet](images/news/instat turiste te ardhura shpenzime raporti.jpg)
![Rishikohet buxheti, rrogat e reja te administrates miratohen kete muaj Rishikohet buxheti, rrogat e reja te administrates miratohen kete muaj](images/news/paga administrate qershor rritje buxheti.jpg)
![Zgjedhjet europiane, perparon e djathta ekstreme, EPP merr shumicen e votave Zgjedhjet europiane, perparon e djathta ekstreme, EPP merr shumicen e votave](images/news/zgjedhjet europiane partite e djathta ekstreme.jpg)
![Sot provimi i dyte, 28 mije maturante i nenshtrohen provimit te Gjuhes Shqipe dhe Letersise Sot provimi i dyte, 28 mije maturante i nenshtrohen provimit te Gjuhes Shqipe dhe Letersise](images/news/matura provimi dyte gjuhe letersi.jpg)
![Raporti: Cmimet e larta te pronave, shkak pastrimi i parave dhe investimi ne shtepi bosh Raporti: Cmimet e larta te pronave, shkak pastrimi i parave dhe investimi ne shtepi bosh](images/news/prona cmime te larta raporti shqiperi.jpg)
![Sot protesta e opozites para bashkise se Tiranes, rruget qe bllokohen Sot protesta e opozites para bashkise se Tiranes, rruget qe bllokohen](images/news/policia protesta plan masazh rruget.jpg)
![2023, rreth 15 mije persona te punesuar online ne Shqiperi 2023, rreth 15 mije persona te punesuar online ne Shqiperi](images/news/puna online shtepi raporti.jpg)